انقرہ: ترکی کے سات صوبوں میں 4.7 شدت کے زلزلے میں 76 افراد کی موت اور 440 دیگر زخمی ہو گئے ہیں۔ ڈیزاسٹر اینڈ ایمرجنسی مینجمنٹ اتھارٹی (اے ایف اے ڈی) نے پیر کو یہ اطلاع دی۔
مقامی میڈیا ٹی آر ٹی ہیبر براڈکاسٹر نے مالتیا کے گورنر ہولوسی ساہن کے حوالے سے بتایا کہ زلزلے کے باعث علاقے میں 140 عمارتیں ڈیہہ گئیں، جس سے تین افراد ہلاک اور 100 زخمی ہوگئے۔
دیار باقر کے گورنر علی احسان سو نے ٹی آر ٹی کو بتایا کہ زلزلے کے باعث علاقے میں سات عمارتیں گر گئیں، چھ شہری ہلاک اور 79 زخمی ہوگئے۔ ملبے تلے دبے 12 شہریوں کو بحفاظت باہر نکال لیا گیا ہے۔
اے ایف اے ڈی کے مطابق، زلزلہ آج مقامی وقت کے مطابق 04:17 پر صوبہ کہرامنمارس میں آیا۔ اس کے جھٹکے پڑوسی صوبوں ہتائے، ادانا، عثمانیہ، دیارباقر، مالتیا اور سانلی عرفہ میں بھی محسوس کیے گئے۔ زلزلے کے باعث ترکی میں تباہی کا منظر دیکھا گیا اور کئی لوگوں کی زندگیاں چلی گئیں۔
وزیر داخلہ سلیمان سوئلو نے پیر کو کہا کہ ترکی میں اعلیٰ ترین سطح کا الرٹ جاری کر دیا گیا ہے۔
