کیجریوال کو بدنام کرنے کے لیے ای ڈی کا چھاپہ:اے اے پی

0

نئی دہلی: عام آدمی پارٹی(اے اے پی) نے کہا کہ بھارتیہ جنتا پارٹی کے انفورسمنٹ ڈائریکٹوریٹ (ای ڈی) کا اصل چہرہ اب ملک کے سامنے بے نقاب ہو گیا ہے اور یہ چھاپہ وزیر اعلی اروند کیجریوال کو بدنام کرنے کے لیے مارا گیا ۔
آپ کے سینئر لیڈر آتشی نے بدھ کو کہا کہ بی جے پی کی ای ڈی کا اصلی چہرہ اب ملک کے سامنے بے نقاب ہو گیا ہے۔ منگل کو، ای ڈی نے مسٹر کیجریوال کے پی ایس اور ایم پی این ڈی گپتا کے گھر پر 16 گھنٹے تک چھاپہ مارا لیکن آخر تک یہ نہیں بتایا کہ اس نے کس معاملے میں چھاپہ مارا تھا۔ ای ڈی نے نہ تو ان سے پوچھ گچھ کی، نہ ان کے گھر کی تلاشی لی اور نہ ہی اپنے پنچنامے میں کسی کیس کا ذکر کیا۔ ای ڈی کے چھاپے کا بنیادی مقصد صرف میڈیا میں ماحول بنانا تھا تاکہ مسٹر کیجریوال کو بدنام کیا جاسکے۔
انہوں نے کہا کہ ای ڈی کے چھاپوں اور سمن کا مقصد صرف وزیر اعلی اروند کیجریوال پر حملہ کرنا اور انہیں کچلنا ہے۔ بی جے پی اور وزیر اعظم نریندر مودی جانتے ہیں کہ اگر کوئی انہیں چیلنج کر سکتا ہے تو وہ صرف وزیر اعلی اروند کیجریوال ہیں۔ مسٹر اروند کیجریوال چھاپوں، سمن اور جیل جانے سے نہیں ڈرتے۔
اے اے پی لیڈر آتشی نے کہا کہ پہلے یہ طے ہوتا ہے کہ کس کو جیل میں ڈالنا ہے اور پھر فیصلہ کیا جاتا ہے کہ کس کیس کے تحت، لیکن اب صورتحال یہ ہے کہ بی جے پی کی مرکزی حکومت نے ای ڈی کو جیل میں ڈالنے کا فیصلہ کیا ہے۔ اب یہ بالکل واضح ہے کہ یہ تحقیقات نہیں بلکہ دہلی کے وزیر اعلی اروند کیجریوال کو ختم کرنے کی سازش ہے۔

LEAVE A REPLY

Please enter your comment!
Please enter your name here