لکھنؤ: اترپردیش کے وزیر اعلی یوگی آدتیہ ناتھ نے پیر کو کہا کہ موجودہ وقت میں لکھنؤ نے ترقی کا جوماڈل پیش کیا ہے اس سے سابق وزیر اعظم آنجہانی اٹل بہاری واجپئی کا خواب شرمندہ تعبیر ہورہا ہے۔
اندرا گاندھی پرتشٹھان میں منعقد ایک تقریب سے خطاب کرتے ہوئے وزیر اعلیٰ نے کہا104 کلومیٹر لمبی اور 8 لین والی لکھنؤ آؤٹر رنگ روڈ، جسے کسان پاتھ بھی کہا جاتا ہے، جس کا افتتاح وزیر اعظم نریندر مودی نے گروگرام سے کیا تھا، لکھنؤ میں ٹریفک جام کا مسئلہ حل کرے گا۔انہوں نے کہااس کے علاوہ، لکھنؤ ڈیولپمنٹ اتھارٹی کی طرف سے بنایا جا رہا گرین کوریڈور، جو شہید پاتھ کو گومتی ندی کے قریب کٹ کے ذریعے جوڑے گا، ٹریفک کی بھیڑ کو مزید کم کرنے کے لیے تیار ہے۔
وزیر دفاع راجناتھ سنگھ اور یوگی نے 3,666 کروڑ روپے کے 206 ترقیاتی منصوبوں کا افتتاح اور سنگ بنیاد رکھا۔کسان پتھ بارہ بنکی، گورکھپور، ایودھیا، سیتا پور، گونڈا، ہردوئی، کانپور، وارانسی، رائے بریلی، سلطان پور اور دیگر اضلاع کی طرف جانے والے مسافروں کے لیے سفر کو آسان بنائے گا، جس سے ان منزلوں تک پہنچنے کے لیے لکھنؤ سے گزرنے کی ضرورت ختم ہو جائے گی۔
مسافر لکھنؤ کے باہر باہر سیدھے اپنی منزل پر پہنچ جائیں گے۔ اس کے علاوہ، یہ لکھنؤ میں ٹریفک کی بھیڑ کو کم کرے گا۔
اس موقع پر خطاب کرتے ہوئے یوگی نے کہا کہ گرین کوریڈور کے پہلے مرحلے کا کام پیر کو مکمل ہو گیا۔ انہوں نے کہا کہ ڈیفنس ریسرچ ڈیولپمنٹ آرگنائزیشن (ڈی آر ڈی او) کی مدد سے وزارت دفاع لکھنؤ میں برہموس میزائل سینٹر کا بھی افتتاح کر رہی ہے جس سے نوجوانوں کے لیے اسٹارٹ اپس اور روزگار کے نئے مواقع پیدا ہونگے۔
وزیر دفاع راج ناتھ سنگھ کو لکھنؤ میں ترقیاتی کاموں کا سہرا دیتے ہوئے وزیر اعلیٰ نے کہافورنسک ریسرچ انسٹی ٹیوٹ اور اٹل میڈیکل یونیورسٹی کا افتتاح بھی پیر کو لکھنؤ میں ہونے والا ہے۔
