رام پور: سماج وادی پارٹی (ایس پی) لیڈر اور سابق وزیر محمد اعظم خان برتھ سرٹیفکیٹ سمیت چار معاملوں کی سماعت کے لئے رام پور ضلع عدالت پہنچے۔
مسٹر خان کے ساتھ ان کی اہلیہ تزئین فاطمہ اور بیٹا عبداللہ اعظم بھی تھے۔ ایم پی ایم ایل اے کورٹ میں دو برتھ سرٹیفکیٹس سمیت چار معاملات میں سماعت ہوئی۔ دونوں برتھ سرٹیفکیٹس میں تمام ملزمان کے بیانات آج ہونے تھے۔ اس دوران جمع صحافیوں پر طنز کرتے ہوئے اعظم نے کہا کہ شاہ رخ خان کو بھی اتنی کوریج نہیں ملتی۔
رام پور میں، سوار ٹانڈہ کے سابق ایم ایل اے عبداللہ اعظم کے دو پیدائشی سرٹیفکیٹس کے بارے میں ایم پی ایم ایل اے کورٹ میں مقدمہ زیر غور ہے۔ اس میں عبداللہ اعظم کے ساتھ سابق کابینہ وزیر اعظم خان اور ان کی اہلیہ ڈاکٹر تزئین فاطمہ بھی ملزم ہیں۔ جمعہ کو ایم پی ایم ایل اے کورٹ نے اعظم خان کو ویڈیو کانفرنسنگ کے ذریعے اپنا 313 بیان ریکارڈ کرنے کا حکم دیا۔ اس کے ساتھ ہی ڈاکٹر تزئین فاطمہ اور عبداللہ اعظم کو پیش ہو کر بیان ریکارڈ کرانے کو کہا گیا تھا لیکن آج اعظم خان ویڈیو کانفرنسنگ کے ذریعے پیش ہونے کے بجائے خود عدالت پہنچ گئے۔
ان کے ساتھ عبداللہ اعظم اور ڈاکٹر تزئین فاطمہ بھی موجود تھیں۔ برتھ سرٹیفکیٹ کے دو معاملوں میں ان کے 313 بیانات ریکارڈ کیے جانے ہیں۔ عدالتی کارروائی کے دوران اعظم خان کافی بیمار نظر آئے۔ اس دوران انہوں نے میڈیا سے کہا کہ آپ اپنا وقت کیوں ضائع کر رہے ہیں۔ شاہ رخ خان کو بھی اتنی کوریج نہیں ملتی۔
مدعی بی جے پی لیڈر آکاش سکسینہ کے وکیل سندیپ سکسینہ نے بتایا کہ آج اعظم خان اور اہل خانہ کے بیان 313 کے تحت ریکارڈ کیے جانے ہیں اور عدالتی کارروائی جاری ہے۔ ایم پی ایم ایل اے کی عدالت میں دو برتھ سرٹیفکیٹس اور ضابطہ اخلاق کی خلاف ورزی سمیت چار معاملوں میں آج سماعت ہوئی۔

