رائے گنج/بالورگھاٹ: وزیر اعظم نریندر مودی نے منگل کو ترنمول کانگریس (ٹی ایم سی) پر حملہ تیز کرتے ہوئے حکمراں پارٹی پر بنگلہ دیش اور روہنگیا دراندازوں کو یہاں آباد ہونے کی اجازت دے کر نیزہندوستانی شہریوں کے حقوق میں کمی کرکے مغربی بنگال کی ڈیموگرافی کو بدلنے کی کوشش کرنے کا الزام لگایا۔
مسٹر مودی نے کہا، ’’بنگلہ دیش اور روہنگیا کے دراندازوں کی آمد سے ریاست کی ڈیموگرافی میں تبدیلی آرہی ہے کیونکہ انہیں بنگال میں محفوظ پناہ گاہ ملی ہوئی ہے اور ٹی ایم سی کے دور حکومت کے تحت ہندوستانی شہریوں کے حقوق کو سلب کیا جا رہا ہے۔‘‘
رائے گنج لوک سبھا سیٹ سے بھارتیہ جنتا پارٹی (بی جے پی) کے امیدوار کارتک پال کے حق میں ایک انتخابی ریلی سے خطاب کرتے ہوئے، انہوں نے الزام لگایا کہ ریاست میں رام نومی ریلیوں کی اجازت نہیں دی گئی ہے اور اگر اس طرح کی ریلیوں کی اجازت دوسرے ذرائع (عدلیہ) کی جانب سے دی گئی، ان کے ساتھ پتھراؤ اوربرک بیٹنگ ہوئی۔
انہوں نے الزام لگایا کہ ٹی ایم سی کی تقسیم کی پالیسی کی وجہ سے بنگال کے لوگ بری طرح متاثر ہوئے ہیں اور وہ شہریت ترمیمی قانون (سی اے اے) کی مخالفت کرنے کی تمام کوششیں کر رہی ہے۔ سی اے اے یہاں آباد پناہ گزینوں کے لیے ہندوستانی شہریت کی ضمانت ہے۔

